УИХ-ын 2013 оны ээлжит чуулганыг Дэгийн тухай шинэ хуульд зааж өгсний дагуу долдугаар сарын 1-нд өндөрлүүлэх ёстой байсан. Гэвч Ерөнхийлөгчийн сонгуультай холбогдон чуулганыг дээр хэлсэнчлэн 14 хоног завсарлуулсан учраас хаврын ээлжит чуулганыг хугацааг сунгах тухай захирамжийг УИХ-ын дарга З.Энхболд гаргасан юм. Иймд хаврын ээлжит чуулган долдугаар сарын 10-ны өдөр буюу маргааш өндөрлөнө.

Тэгвэл яг одоо УИХ дахь эмэгтэй гишүүдийн бүлэг хаврын чуулганы үдэлтийн үйл ажиллагааг зохион байгуулж байна. Энэ талаар УИХ-ын гишүүн Л.Эрдэнэчимэг өөрийн твиттер хуудаснаа бичиж, хаврын чуулганы үдэлтийн арга хэмжээний зургаа нийтлэжээ.