Үндэсний статистикийн хорооноос өчигдөр буюу долдугаар сарын 10-ны өдөр Монголын хүн ам 2.9 саяд хүрч түүхэнд тэмдэглэхээр үйл явдал болно хэмээн  мэдэгдсэн. Жилээс жилд Монголын хүн ам бага багаар нэмэгдсээр ийнхүү 2.9 саяд хүрсэнийг олон улсын түвшинд хийдэг стандартын тооцооллоор тогтоосон аж. Түүнчлэн 2012 онд хүн амын төрөлтийн түвшин 74 мянгад хүрсэн бөгөөд энэ нь сүүлийн 30 жилд хоёрт орох өндөр үзүүлэлт байсан талаар албаныхан онцолсон. Тэгвэл Үндэсний статистикийн хорооны тооцоогоор дөнгөж саяхан буюу шөнийн 00 цагийн орчим Монгол Улсын иргэн 2 сая 900 мянгад хүрчээ.

П.Наран