Археологчид Киприйн Ларнак нисэх буудлаас холгүй манай эринээс өмнөх XIV зууны үеийн хотын туурь олжээ. Хотыг георадарын тусламжтай илрүүлсэн байна. Энэхүү хот 25-50 га газар нутгийг хамарсан бөгөөд одоохондоо нэг хэсгийг нь ухаад  байгаа аж. Хотод бүрлээчийг тавьдаг газар байсан байна.

Грек, Эгийн тэнгисээс авчирсан шавран бүтээгдэхүүн, зэс эдлэл олдсон байна. Мөн энд будсан даавуу үйлдвэрлэж байсан нь тухай цагийн хамгийн үнэтэй эдлэлд тооцогдож байсан гэнэ.

Эрт цагт энэ арал Грек, Европт зэс гаргаж байсан аж. Киприйн арлынхны амьдралын түвшин өндөр байсан нь ч үүнтэй холбоотой байж.

Д.Од