Хятадууд монгол малын махыг их хэмжээгээр экспортлож байгааг эсэргүүцсэн нэгэн иргэн өнөөдөр Хүнс хөдөө аж ахуйн яаманд суулт зарлалаа. Малаа бүрэн бүтэн тоолсны дараа хэр хэмжээгээр мах экспортлох вэ гэдгийг тодорхойлж байж махаа гадаад руу гаргадаг байх ёстой гэж тэрээр үзэж байгаа юм байна. Тиймээс мах экспортлохыг түр хугацаагаар хориглохыг шаардаж суулт зарласан юм байна. Суулт зарлагчийг Н.Амарбаясгалан гэдэг. Өмнө нь “Эгэл борчуудын засаглал” ТББ-ын тэргүүн байсан нэгэн юм.  Одоо тэрээр “Гал үндэстэн” холбоонд харъяалагддаг. Мах экспортлоход хэмжээ хязгаар зааж өгөхгүй бол гурав хоног хүлээгээд өлсгөлөн зарлана. Ус уугаад өөр юу ч идэхгүйгээр монголчуудыг малтай байлгахын төлөө тэмцэнэ гэлээ. Л.Ариун-Учрал