Өнгөрсөн өдрүүдэд АТГ-ынхан МАХН-ын дарга Н.Энхбаярын хөрөнгийг битүүмжилж, эхнэр О.Цолмонгоос мэдүүлэг авлаа. Ийм түгшүүртэй үед МАХН-ынхан дотор бужигнаан үүсээд байгаа сурагтай.

Тодруулбал, МАХН-ын Ерөнхий нарийн бичгийн дарга Г.Шийлэгдамба намынхаа нэгдэл нягтралын төлөө олигтой ажиллаж чадахгүй байгаа талаар намын нөхөд шүүмжлэж, түүнийг огцоруулах асуудал яригдаж байгаа талаар эх сурвалж мэдээллээ.

Түүнчлэн, МАХН-ын генсек сүүлийн үед намын дарга Н.Энхбаярын итгэлийг алдах болсон гэнэ. Тэрбээр МАХН-тай холбоотой үймээс самууны үеэр гэнэт “шилэрдэг” болсон талаар намын нөхөд нь ихээхэн шүүмжлэлтэй хандаж байгаа аж. Одоогоор түүний оронд хэн генсекээр томилогдох талаар МАХН нэгдсэн шийдэлд хүрээгүй байгаа гэнэ. Энэ асуудалтай холбоотойгоор МАХН-ын дотор томоохон хэрүүл, тэмцэл үүсэх төлөвтэй болоод байгаа ажээ.

Б.Одон