Хүндийн өргөлтийн залуучуудын улсын аврага шалгаруулах тэмцээн өндөрлөлөө. Уг тэмцээнд найман багийн 80 гаруй тамирчин оролцсон бөгөөд “Самбуу сан" группын тамирчин О.Даваагомбо рекордын шинэчлэл тогтоожээ. Тодруулбал, 15 настай 53-р сургуулийн сурагч 2011 оноос хүндийн өргөлтийн спортоор хичээллэж эхэлсэн байна.

Улмаар 2012 оны азийн аваргын тэмцээнээс мөнгөн медаль хүртжээ. Энэ удаагийн улсын аваргад 52 кг-ын жинд өрсөлдөж 83 кг түлхэж рекорд эвджээ.Ирэх наймдугаар сарын 15-нд болох дэлхийн хүүхдийн их наадамд Монгол Улсаа төлөөлж оролцохоор  бэлтгэл сургуулилтаа хийж байгаа гэнэ.

Д.Цэцэг