“Тод манлай уяач” нэгээр нэмэгдсэн нь Өвөрхангай аймгийн уяач, УИХ-ын гишүүн Г.Батхүү юм. Тэрбээр "Тод манлай уяач”-ийн мялаалгын наадмаа маргааш хийх аж. Уг наадам хоёр өдөр үргэлжилж, гурван насны морь уралдуулан, бөх барилдуулах юм байна. Шинэ “Тод манлай" маань анх 1990-ээд оноос морь уяж эхэлсэн аж.

Г.Батхүү тод манлай маань баяр наадмаас нийтдээ 17 айраг, түрүү хүртжээ. Тухайлбал, 1996 онд буюу Ардын Хувьсгалын 75 жилийн ойн их баяр наадамд азарга нь түрүүлж, Тулгар төр байгуулагдсаны 800 жилийн ойгоор их нас, соёолон нь түрүүлж байсан удаатай.