Оросын автомашин үйлдвэрлэгч "Dahmer" компани шинэ загварын цахилгаан хөдөлгүүрт машин бүтээснээ зарлажээ. Шинэ машины бусдаас ялгарах давуу талын нэг нь өрсөлдөгчөөсөө хямд өртөгтэй гэнэ.  E-Car GD04B  гэж нэрлэсэн машины зардал ердөө 500 мянган рубль гэнэ. Машины гадна талын ерөнхий загвар нь Daewoo Matiz машинтай адил. Компанийн удирдлагуудын мэдээлснээр энэхүү цахилгаан хөдөлгүүрт машин нь 2013 оны 2 дугаар сарын 1-нээс худалдаанд гарахаар төлөвлөжээ. Машины худалдаанд гарахын өмнөх бүх туршилт амжилттай болсон аж. Одоо цагт цахилгаан болон шатахуун хослосон хөдөлгүүртэй машинууд байгаа ч оросуудын машин нь 100 хувь цахилгаан хөдөлгүүртэй. Машиныг ахуйн хэрэглээний 220 вольтоор цэнэглэдэг.  Машины арын суудалд цэнэглэх хэсэг байрлах бөгөөд Жирийн цэнэглэхэд 5 цаг болох бол Баланс цэнэглэлт нь 10 цаг болдог байна.