Хилчид 80 жилийн ойгоо энэ сарын 19, 20-ны өдрүүдэд тэмдэглэн өнгөрүүллээ. Ойн арга хэмжээний үеэр ажил үйлсээрээ хамт олноо тэргүүлсэн зарим хилчдэд Монгол Улсын Ерөнхийлөгчийн зарлигаар төрийн одон медаль гардуулсан байна.   “Цэргийн гавъяаны улаан тугийн одон”-гоор ХХЕГ-ын Тамгын хэлтсийн дарга, хурандаа Д.Гантөмөр, ахмад хилчин бэлтэл хурандаа Г.Базаррагчаа, М.Насан-Урт, “Цэргийн гавъяаны одон”-гоор ХХЕГ-ын Хилийн түүх судлалын секторын судлаач, хошууч генерал С.Гүржав, ЦСАЗБХ-ийн дарга, хурандаа Д.Бат-Эрдэнэ, Хилийн 0198 дугаар ангийн захирагч, хурандаа Н.Ганболд, Хилийн 0277 дугаар ангийн захирагч, хурандаа Д.Нямсүрэн, Хилийн 0287 дугаар ангийн СЗССА-ны дарга, дэд хурандаа Б.Отгонжаргал, Хилийн 0164 дүгээр ангийн штабын дарга, дэд хурандаа Ц.Лхагвасүрэнг шагнасан байна.   Мөн “Цэргийн хүндэт медаль”-аар ХХЕГ-ын Шуурхай удирдлагын төвийн дарга, дэд хурандаа Ж.Жамсрандорж, ХХЕГ-ын ХНБЗХ-ийн дарга, дэд хурандаа Ж.Нямдорж, Хилийн 0165 дугаар ангийн техникийн албаны дарга, дэд хурандаа Р.Эрдэнэтогтох нарын 65 хүнийг, “Хөдөлмөрийн хүндэт медаль”-аар ХХЕГ-ын ХҮА-ны үйлчлэгч С.Өөдөс, Хилийн 0130 дугаар ангийн уурын зуухны механик С.Буянтогтох, Хилийн 0168 дугаар ангийн тогооч Д.Одгэрэл нарын 12 хүнийг тус тус шагнаж урамшуулсан байна. Д.Цэцэг