28 сая ам.долларыг валютын захад нийлүүлэв Өнөөдөр Монголбанкинд валют арилжааны ээлжит дуудлага худалдаа явагдлаа. Тус дуудлага худалдаагаар Монголбанк банкуудад 1486.01 төгрөгийн хаалтын ханштайгаар 28 сая ам.долларыг валютын захад нийлүүлжээ. Мөн 241.6 төгрөгийн хаалтын ханштайгаар 103 сая юань худалдсан байна. Монголбанк валютын захын тогтвортой байдал, төгрөгийн ханшны огцом хэлбэлзлийг үүсгэхгүй байх, зах зээлийн зарчмаар тодорхойлох зорилгоор валют арилжааны дуудлага худалдааг нээлттэй ил тодоор явуулдаг юм. А.Энхжаргал