Өнөөдөр Энэтхэгийн Уттар-Прадеш мужийн нутагт болсон хүчтэй үерийн улмаас 152 хүн амь алдаж, 500 мянга орчим хүн орон гэргүй болсон тухай ВВС мэдээллээ.  Хэдэн хоног дараалан орсон ширүүн борооноос үүдсэн үер тус мужийн эдийн засагт ихээхэн хохирол учруулсан байна.

Нутгийн тариачдын 500 гаруй толгой мал үерт урсч, тус мужийн 15 районд их хэмжээний тариан талбай сүйрч, ургац авч чадахгүйд хүрээд байгаа юм байна. Энэ зургадугаар сард мөн Энэтхэгийн Химачад-Прадеш болон Уттаракханд мужуудад бас ширүүн бороо орж голууд эргээсээ халин үерлэснээс мянга орчим хүн нэрвэгдсэн байна. Цагдаагийн ажилчид сураггүй болсон иргэдийн тоог гаргаж чадаагүй хэмээн мэдэгдлээ.

Б.Дэлгэрцэцэг