Белорусын Ерөнхийлөгч Александр Лукашенко согтуугаар авто машин барьсан тохиолдолд ногдуулах шийтгэлийг чангатгасан хуулийн төслийг баталж, гарын үсгээ зурж баталгаажууллаа. Шинэ хуулийн дагуу согтуу жолооч нарт их хэмжээний торгууль ногдуулах буюу гурвaн жил хүртэл эрхийг нь хасахаар болжээ.

Торгуулийн хэмжээ өмнөхөөс гурав дахин нэмэгдэж, 5-10 сая рубль болжээ. Хэрэв жилийн хугацаанд дахин согтуугаар жолоо баривал машиныг нь хурааж улсын орлого болгох гэнэ. Харин хулгайн машины хувьд энэ хууль үйлчлэхгүй байх хуулийн зохицуулалт хийжээ. Белорусын нутаг дэвсгэрт согтуугаар тээврийн хэрэгсэл жолоодсон бол аль улсын иргэн байсан уг хуулийн дагуу шийтгэл ногдуулах аж. Энэ хуулийг наймдугаар сарын 1-нээс мөрдөхөөр болсон байна.

Б.Дэлгэрцэцэг