Татварын ерөнхий газрын Хяналт шалгалтын хэлтсийн дарга асан Ч.Гансүхэд холбогдох хэргийг Нийслэлийн шүүхээс харьяалал тогтоон Чингэлтэй дүүргийн шүүхээр шийдвэрлүүлэхээр тогтоосон билээ.

Гэвч тус шүүхээс Ч.Гансүхэд холбогдох хэргийг дахин нягтлах хэрэгтэй хэмээн үзэж, нэмэлт мөрдөн байцаалт явуулахаар болжээ. Ингэснээр түүний хэргийг нийслэлийн Прокурорын газар дахин шалгах юм.

“Татварын ерөнхий газрын Хяналт шалгалтын хэлтсийн дарга асан Ч.Гансүхийг албан тушаалаа урвуулан ашиглаж татварын мөнгө шамшигдуулсан хэрэгт яллагдагчаар татан шалгаж байгаа юм.

Түүний хэрэгт Ч.Гансүхийн хүү Г.Ганзул, Татварын ерөнхий газрын Улсын төсөв, орлого,хяналтын газрын Судалгаа,  үнэлгээний хэлтсийн дарга Д.Энхбат, түүний нууц амраг ҮТЕГ-ын байцаагч О.Бямбасүрэн нар холбогдон шалгуулж байгаа билээ.

Б.Одон