“Хааны эрэлд-2013” олон улсын цэргийн хамтарсан сургуулилт ирэх сарын 3-14-ний өдрүүдэд болох ажээ. Сургуулилтыг Монгол Улсын зэвсэгт хүчин болон АНУ-ын Номхон далайн командлал хамтран зохион байгуулдаг бөгөөд энэ жил Тавантолгой дахь Зэвсэгт хүчний сургалтын нэгдсэн төвд зохион байгуулж байна. Сургуулилтад АНУ-аас гадна Австрали, Канад, Франц, Герман, Япон, Энэтхэг, Индонез, Балба, Өмнөд Солонгос, Тажикстан, Англи, Вьетнамын зэрэг 14 орны цэргийн хүчний төлөөлөл оролцох юм байна.