Филиппин улсын Кесон хотод сүүлийн хэд хоногт эмх замбараагүй байдал газар авсаар байгаа. Энэ үйл явдал долдугаар сарын 24-нд тус улсын Ерөнхийлөгч Бенигно Акиногийн ард түмэндээ хандаж хэлсэн үгтэй холбоотой юм.

Тэрбээр 5000 гаруй ажлын байрыг энэ онд багтааж цомхотголд оруулах шийдвэрээ танилцуулсан юм. Амьдралын түвшин хэт доогуур, амьдрах боломжгүй болтлоо ядууралд автаж байгаад уурлан бухимдсан иргэд цагдаа нартай мөргөлдөж үймээн дэгдээд байгаа.

Мөргөлдөөний үеэр Хоселита Севилла хэмээх цагдаа гэнэт цурхиран уйлж, жагсаалд оролцож байгаа хүмүүст хандан “Бид юуны төлөө ингэж тэмцэлдэж байна вэ. Би цагдаа. Ердөө л үүргээ гүйцэтгэж байгаа албан хаагч” гэж уйлжээ. Энэ үед хэд хэдэн жагсагч түүн рүү анхаарлаа хандуулж, дөхөж очин, тэвэрч аргадсан байна.

Б.Дэлгэрцэцэг