“Гудамж” төслийн хүрээнд хийгдэж байгаа уулзваруудын өргөтгөл шинэчлэлийн ажилтай холбоотойгоор хэд хэдэн чиглэлийн замын хөдөлгөөнийг шөнийн цагаар түр хугацаанд хэсэгчлэн хааж байгаа. Өнөөдрийн хувьд ХӨСҮТ-ийн баруун урд уулзврын Зүүн дөрвөн замаас уулзварт нийлэх чиглэлийг 00-06 цагийн хооронд хаана.   Мөн өнөөдрөөс  наймдугаар сарын 04 хүртэл Бөхийн өргөөний зүүн талаар уулзварт нийлэх чиглэл, наймдугаар сарын 1-2-нд шилжих шөнө 00-06 цагийн хооронд Чингис зочид буудлаас уулзварт нийлэх чиглэлийн хөдөлгөөнийг тус тус хэсэгчлэн хаах юм. Түүнчлэн  өнөөдөр Тасганы овооны баруун уулзвраас Гэсэр сүмээс уулзварт нийлэх чиглэлийг 00-06 цагийн  хооронд хаах бол  10 дугаар хорооллын уулзварыг “Бэгдү” хороолол руу орох болон “Гермэс” төвөөс уулзвар руу нийлэх хөдөлгөөнийг өнөөдөр, маргааш шөнийн цагаар тус тус хэсэгчлэн хаахаар төлөвлөөд байна. Д.Цэцэг