Говийн V ноён хутагт Данзанравжаагийн мэлмий гийсний 210 жилийн ойн баяр наадам Дорноговь аймгийн Сайншанд хотноо гурван өдөр үргэлжилж байна.

Ойн баяр наадмын хүрээнд эхний өдөр Ноён хутагтын IX их дүр Гэгээнтэн Лувсанданзантүдэв сүсэгтэн олондоо ерөөл айлдаж, Данзанравжаагийн хөшөөнд хүндэтгэл үзүүлэх үйл ажиллагаа болжээ.

Мөн Хамарын хийдийн цогчин дуганы их шүтээнийг аравнайлан сүсэгтэн олноо ном айлдсан байна. Харин өчигдөр баяр наадмын барилдаан, сурын харваа, морь уралдаан албан ёсоор эхлэж наадамчин олноо баясгасан бөгөөд өнөөдөр хаалтаа хийх юм байна.