Элдэв таагүй хэрэгт орооцолдсон тухай мэдээлэл нь сонины хуудас бөглөж, шүтэн бишрэгчдийнхээ урмыг багагүй хугалж байсан "Төмөр” Майк өдгөө өнгөрсөн бүхэндээ дүгнэлт хийн, алдаа оноогоо дэнслэн сууна. Тэрбээр энэ тухайгаа Vogue сэтгүүлийн шинэ дугаарт доорхи ярилцлага өгчээ.

.

-Та 1994 онд хоригдох ялаар шийтгүүлсэн. Тухайн үеийн Майк Тайсоныг хүлээн зөвшөөрдөг үү? Учир нь та өнөөдөр их өөр хүн болсон байна.

-Яг үнэндээ би сайн хэлж мэдэхгүй байна. Намаг балчигт шигдчихсэн атлаа дэндүү хурц араншинтай. Тэр бол тухайн үеийн би. Майк Тайсоны хэрхэн спортод хөл тавьж байсан талаарх "Тайсон” баримтат кино 2008 онд дэлгэцнээ гарч байлаа. Би өөрийгөө зурагтаар бүр баримтад киногоор харна гэдэг бол гайхалтай байсан. Тэр баримтад киноны ачаар өөрийнхөө түүхийг олж мэдсэн. Гэхдээ тэр цагаас хойш их олон зүйл өөрчлөгдсөн. Боксын спорттой холбоотой бүхий л дуулиан тарьсан тухайн үеийн мэдээлэл түүнтэй холбогддог болсон. Бие болон оюун санаа минь хоёр өөр талд байгаа мэдрэмж төрдөг байсан. Харин одоо бол тэр өрсөлдөгчтэйгөө биш, өөрийнхөө өнгөрсөн хар бараан дурсамжтай тулалдаж байна. Гэсэн ч илэн далангуй, таамаглахын аргагүй хачин үйлдлэл хийдэг зан авир нь хэвээрээ гэдгийг санах хэрэгтэй. Би үхээгүй байгаа учраас хэл ам дагуулсаар байх болно. Нас бол зүгээр л тоо. Миний сэтгэл зүрх одоо хүртэл 25 настай мэт байгааг өрсөлдөгч нар минь анхаарах хэрэгтэй.

.

-Таны Твиттэр дэх сэтгэгдлүүдийг уншаад тухайн үеийнхээс огт өөр, илүү тайван хүлээцтэй болсон юм шиг санагдсан. Харин танд ямар нэгэн өөрчлөлт мэдрэгдэж байна уу?

-Өөрчлөгдсөн үгүйгээ би сайн мэдэхгүй юм. Магадгүй ялалтын туг өргөх бүрт тайвшралыг олдог байсан байж мэдэх юм. Гол нь энэ бүхний эцэст эхнэртэйгээ хамт байгаадаа л баярлаж байна. Одоо бол миний бүхий л анхаарал гэр бүлийнхэн рүүгээ хандаж байгаа.

.

-Танай эхнэр бол ер бусын гайхалтай эмэгтэй?

-Тийм шүү. Гайхалтай бүсгүй. Анх хараад л дурласан. Ийм хайр бас байдаг шүү.

.

-Хайртай хүн тань таныг хэрхэн өөрчилсөн бэ?

-Яаж ч хичээгээд ойлгож чадахгүй байгаа зүйлсийн минь нэг энэ дээ. Би одоо хүн хэвээрээ л байгаа. Энэ бүхэн хэрхэн болж өнгөрснийг би өөрөө ч анзаараагүй. Би гэр бүлийнхэнтэйгээ хамт аялж, зугаалж цагийг өнгөрөөдөг байлаа. Ялтан гэдэг ДОХ-той биеэ үнэлэгч гэсэн үг биш. Суллагдсанаас хойш эхнэр бид хоёрын харилцаанд ямар нэгэн бэрхшээл гараагүй. Харин ч бид тун дотно харилцаатай, цагийг хамтдаа өнгөрүүлдэг байв. Энэ бүхэнд нь би түүндээ талархаж байгаа. Миний хэлэхийг хүсч байгаа үг энэ л байна.

.

-Би сайн хэлж мэдэхгүй байна. Хэн ч тусалж чадахааргүй тийм байдалд орохоороо хүн өөрийгөө хянах чадвараа алддаг юм билээ. Тийм нөхцөл байдлыг үгээр тайлбарлах ч боломжгүй байх. Би зүгээр л уйтгар гуниг, гашуудал маань өөрөө замрхан одохыг л хүлээдэг байлаа. Харин зарим хүн гашуудал хэзээ ч үгүй болдоггүй юм гэж хэлдэг байлаа. Би энэ явдлын дараа миний адил зовж шаналж буй эцэг эхчүүдийн клубт очдог болсон. Тэнд ирдэг хүмүүсийн олонх нь тэгж хэлдэг юм.

.

-Эцэг эхчүүд үр хүүхдээ алдана гэдэг зүрхийг шархлуулдаг хамгийн аймшигтай явдал байх?

-Тийм үгүйг нь мэдэхгүй юм. Би энэ талаар дүгнэлт хийхэд дэндүү залуу байна. Хэдэн зуун жилийн өмнө хүмүүс хүүхдээрээ тахил өргөдөг байсан гэдэг. Харин эмнэлэгт байхдаа би энэ байдлыг их өөр талаас нь харж сурсан. Үр хүүхдээ алдчихсан эсвэл хүүхэд нь өнөө маргаашгүй нас барах гэж байгаа эцэг эхчүүд надтай уулзаж, харамсч байгаагаа илэрхийлж байлаа. Харин надад тэдний хүүхдүүд ч бас нөгөө ертөнц рүү явж байна, ийм зовлонтой нүүр тулж буй цорын ганц хүн нь би биш гэсэн бодол төрсөн.

.

-Таны эхнэр хоёр хүүхдийн хамт өнөөдөр энд хүрэлцэн ирсэн байгаа. Та өөрийгөө хэр сайн аав гэж боддог вэ?

-Би илүү их зүйлийг ухаарч ойлгохыг хичээж байгаа. Би их муу аав. Гэхдээ сайн гэж хэлүүлэхийн тулд хичээж байгаа.

.

-Та хөрөнгө мөнгөтэй, элбэг хангалуун байсан үеэ үгүйлдэг үү?

-Үгүй дээ. Харин амьдрал гэр бүлийг минь, намайг сорьж байсан тэр үеийг үгүйлдэг.

.

-Эхнэр тань энэ талаар тантай ярилцдаг байсан уу. Тэр хэрхэн таныг тайван дөлгөөн болгосон юм бэ?

-Би тайван дөлгөөн болсон эсэхээ мэдэхгүй л байна. Хаяа яагаад ч юм бэ дэрээр байлдахыг хүсэх юм. Даанч гар даах хүн олдохгүй юм аа.

.

-Та одоо ч өөрийгөө огцом ууртай гэж бодож байгаа хэрэг үү?

-Мэдээж би өөрөө өөртөө ялангуяа өнгөрсөнд хийсэн буруу үйлдэл бүртээ сэтгэл дундуур явдаг. Тиймээс өөрийн чадвартаа хэт эрдэж, бүхнийг баллачихаагүйдээ бурхандаа талархдаг. Гэхдээ чадвар минь миний хүсч мөрөөдсөн бүхнийг, гэр бүлийг минь сүйтгэсэн гэсэн бодол толгойноос огт салдаггүй.

.

-Өнгөрснөө эргэн бодохоор өөрөө ичих сэтгэл төрдөг үү?

-Ихэнхээс нь. Их таагүй дурсамж шүү. Унтаж байхад минь дандаа дурсамж бүр минь зүүд болно ирдэг. Би бараг сүүлийн таван жил хар дарсан.

.

-Таны бага нас энэ бүхэнд нөлөөлсөн болов уу? Та 13 нас хүрэхээсээ өмнө 38 удаа саатуулагдаж байсан гэдэг?

-Мэдээж их нөлөөлсөн байгаа. Тухайн үеийн хоёр зүйлээсээ одоо ч би салж чадахгүй л яваа. Гэхдээ тэр араншин маань хүмүүст илүү таалагдаад байх шиг санагддаг.

.

-Мэдээж би цаашид дахин тийм араншин гаргахгүй. Гэхдээ энэ бүхний эцэст хүмүүс надаас юу хүсдэг байсныг би сайн ойлгосон. Энэ бол тулаан, энтертайнмент арга хэмжээ. Тиймээс дэвжээн дээр эрч хүч, цөс хөөргөсөн үйл явдлууд л өрнөж байх ёстой. Харин би үүнийг ойлгодоггүй байж. Зүгээр л энэ бүхний нэг хэсэг болсондоо баярлан хөөрдөг байж. Харин хүмүүс үүнийг нь аз од хэмээн хөөргөнө. Наполеон "Агуу хүмүүс бол азыг зөв ашиглан амжилт болгогчид” хэмээсэн байдаг. Би өөрийгөө агуу гэж хэлэхгүй. Харин тэр хүний аз гэдэг зүйлийг хэрхэн тодорхойлсон нь надад таалагддаг.

.

-Та 2009 онд дэлгэцнээ гарсан "Шарталт” кинонд тоглосон. Хүү маань таныг сайн мэдэхгүй ч энэ киног үзсэнээс хойш таныг бишрэх болсон.

-Түүнд таалагдсанд баяртай байна.

.

-“Шарталт” кино таны хувьд их олон зүйл өөрчилсөн. Кино дэлгэцнээ гарснаас хойш хүмүүсийн хандлага өөрчлөгдсөн үү?

-Мэдэхгүй юм. Би зүгээр л талархал илэрхийлмээр байна. Тодд Филипс болон кино багийнханд баярласнаа хэлмээр байна. Тухайн үед надад бусдын туслалцаа хэрэгтэй болчихоод байлаа. Харин яг л тийм хэрэгтэй үед найзууд минь миний амьдралыг өөрчилж, бусдын хүндлэлийг дахин олоход минь тусалсан.

.

-Таныг тоглосон болохоор кино багагүй орлого олсон?

-Гол нь тэр шүү дээ, залуу минь. Дараа дараагийн ангид тоглох санал тавьсан ч миний жүжиглэлт энэ хүрээд л өндөрлөж байгаа. Дахиад кинонд тоглох санаа огт алга даа.

.

-Бусдыг өвтгөхгүйгээр ашиг олдог болсон шинэ бизнес тань танд таалагдаж байна уу?

-Би нэгэн цагт Төмөр Майк байсан. Харин одоо бол тийм байхаа больсон. Тэр залуу хаа нэгтээ нас барж, харин би цоо шинэ хүн болсон. Бурхны өгч буй өдөр бүрийг хайрлахыг хичээдэг. Тийм учраас эхнэртэй улам л хайртай болох юм. Өнгөрсөнд гомдоож, уурлуулж, байсан бүх хүнээс уучлалт гуйхыг хүсч байна. Энэ үгийг хэлсний дараахан зүрх минь амарч байгааг мэдэрч байгаад баяртай байна.

.