Хятадын баруун хойд хэсэгт болсон хүчтэй газар хөдлөлтөд өртөн амиа алдсан хүмүүсийн дурсгалыг хүндэтгэх ёслол Меншиан сууринд хоёр дахь хоногоо үргэлжиж байна.  Долоо хоногийн өмнө Хятадын Ганьсу мужид 6.6 баллын хүчтэй газар хөдлөлт болж, 95 хүн амиа алдаж, 2.500 гаруй хүн гэмтэж, 146 мянган барилга байшин сүйдсэн. Байгалийн гамшигт өртөж халуун амиа алдсан 95 хүний дурсгалыг хүндэтгэж өнөөдөр лаа асаасан байна. . “Хойдын буянг дэлгэрүүлэх” дурсгалын хүндэтгэх ёслолд өчигдөр 500 гаруй иргэн оролцсон бол өнөөдөр өглөөний долоон цагаас эхлэн хүндэтгэл үзүүлэхээр Меншиан суурингийн засаг захиргааны төвд 1000 гаруй иргэн цугларч, төрийн байгууллага, сайн дурын ажилчид, аврагчид хүрэлцэн ирсэн тухай CNN агентлаг мэдээллээ. . Өнгөрсөн жил Ганьсу мужид 5.7 баллын газар хөдлөлт болж 140 гаруй иргэн амиа алдаж, 100 гаруй мянга байшин барилга сүйдэж байсан. Бүтээн байгуулалтын ажил эхлээд жилийн нүүрийг үзэж байхад дахин гамшиг тохиолдсоноос болоод эдийн засгийн уналтад орсон тухай тус мужийн дарга Шинь Ун мэдэгдсэн байна. Б.Дэлгэрцэцэг