Руанд гаралтай, 29 настай  Африк тивийн мисс Лайна Кезаг Лондон дахь байранд нь гурван настай охиных нь нүдэн дээр амийг нь хороосон тухай мэдээг интернэтээр ширүүхэн хэлэлцэж байна. Учир нь хөршүүд нь дуудлага өгсөн мөн өөрөө ч аврах кнопыг дарж амжсан ч цагдаагийнхан хожуу ирснийг буруутгаж байгаа аж. Хөршүүд нь чанга дуу чимээг сонсон дуудлага өгөхийн зэрэгцээ нэг нь байранд нь ороход алуурчин гарч явахтай нүүр тулан тааралдсан байна. Бүсгүй ванн дотроо ухаангүй хэвтэж охин нь гүн шоконд орсон бололтой дуу гарахгүй дэргэд нь зогсож байсан аж. Түүний үхэлд охиных нь эцэг хамтран амьдрагч 38 настай эрийг буруутгаж байгаа юм байна. Лайнаг эх оронд нь оршуулах аж. Facebook-ээр түүний үхэлд харамссан олон мянган хүн эмгэнэл илэрхийлжээ. Д.Од