Аргын тооллын 2013.8.4. Ням гараг. Билгийн тооллын 28. Таван шар мэнгэтэй хар бар өдөр. Наран 05.39 цагт ургаж, 20.1 цагт шингэнэ.  Үс засуулбал хэрүүл тэмцэл ирнэ. Өдрийн барилдлага: Хүчин төгсөх. Шүтэн барилдлага: Төрөн түгэхүй.

Эл өдөр морь, нохой жилтнээ аливаа үйлийг хийхэд эерэг сайн. Буян номын үйл эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.