Бүгд Найрамдах Солонгос улсын иргэд монгол иргэнийг бүлэглэн зодож танхайрсан талаар хэвлэлүүд бичиж байна.

Уг хэрэг, хаана, хэзээ болсон талаар “Даяар монгол хөдөлгөөн”-ий гишүүн н.Тамиртай холбогдоход “Энэ асуудалд мэдээлэл өгөх боломжгүй” гэж хэлээд, утсаа салгав. Мөн БНСУ-ын ЭСЯ-ныхан ч "Манайд ийм мэдээлэл ирээгүй" гэсэн юм.

Уг нь дээрх хэрэг гарах үед Даяар монгол хөдөлгөөний залуус ирж зодооныг таслан зогсоосон. Тэднийг очиж учир зүйгээ олох гэтэл нь өөдөөс нь чулуу шидэж байсан гэнэ. Шидсэн чулуунд нь Даяар монгол хөдөлгөөний гурван залуу оногдсон.  Удалгүй цагдаа нар ирж танхайрсан солонгосчуудыг  авч явсан. Тэд чухам ямар компанид ажилладаг солонгосчууд болохыг мэдэж амжаагүй бөгөөд өмссөн хувцас дээрх компанийн нэр нь урагдсан байсан гэх мэтээр хэвлэлээр бичиж байна.

Гэвч ямар шалтгааны улмаас   “Даяар монгол хөдөлгөөн”-ийхөн мэдээлэл өгөхгүй байгаа нь тодорхойгүй байна.

Б.Одон