МАН-ын “Шинэчилье” хөдөлгөөнийхөн өнгөрсөн сарын эхээр Тусгаар тогтнолын ордны урд “Шинэчлэлийн өргөө” нэртэй гэр барьсан юм.  Гэтэл МАН-ын Бага хурлын өмнөхөн буюу урд шөнө уг гэр алга болчихлоо. Манай гэр алга болсон  гэдгийг Сүхбаатар дүүргийн цагдаагийн хэлтэст мэдэгдсэн байгаа. Гэр алга болсонд  МАН-ын удирдлагуудыг “хардаж” байна. Ийм байхад намын шинэчлэл ярих нь утгагүй хэмээн өнөөдөр 11.00 цагийн орчимд “Шинэчилье” хөдөлгөөнийхөн  хэвлэлийн хурал хийсэн билээ.

Харин дөнгөж сая Тусгаар тогтнолын ордны өмнө МАН-ын “Шинэчилье” хөдөлгөөнийхөний өнөөх алга болчихсон гэр нь бууриндаа эргэн иржээ. Алга болсон гэрийг хаанаас олсон нь одоогоор тодорхойгүй ч тус ордны хойно байрлах “Оргил” супермаркетийн гаднаас урд хаалга руу зөөж байна. Ийнхүү шинэчлэгчдийн гэр “олдож”,  харин МАН шинэчлэгдэх эсэхийг цаг хугацаа харуулах биз  ээ.

П.Наран

Гэрэл зургийг Б.Мөнх-Эрдэнэ