МАН-ын Бага хурлын үеэр УИХ-ын гишүүн Б.Чойжилсүрэнтэй уулзаж цөөн асуултад хариулт авлаа.

.

-Их хурлын товыг 10 дугаар сарын 27-нд хуралдуулах санал оруулсан байсан. Энэ талаар?

-Их хурал, наана, цаана болох асуудал энэ Бага хурлаар шийдэгдэнэ. Гол нь шинэчлье гэж бодож байгаа бол зорилгодоо хүрэх бэлтгэлээ сайн хийх хэрэгтэй.

.

-Зарим намын гишүүд МАН-ыг шинэчлэгдэж чадахгүй гэх байр суурьтай байна?

-Шинэчлэгдэхээс өөр аргагүй. Юунаас болоод сонгуульд ялагдаад байгаагаа хэлэлцэж, шинэчлэгдэж ялдаг нам болох хэрэгтэй гэж үзэж байна.

.

-Намын дарга Удирдах зөвлөлд ажлаасаа огцрох хүсэлтээ тавьсан ч хүлээж  аваагүй гэсэн?

-Намын дарга ажлаа өгөхөд бэлэн гэдэг байр суурь илэрхийлж байгаа. Би ч гэсэн Удирдах зөвлөлийн гишүүн. Ямар нэгэн хэмжээнд хариуцлага хүлээгээд ажлаасаа гарна гэсэн бодолтой байна. Чаддаг хүмүүст нь өгье.

.

-Намын удирдлагуудын шинэчлэлийг Их хурлаар хийх үү?

-Тэгэх байх. Их хурлаас өмнө 40 гаруй хоногийн хугацаанд нэлээд нухацтайхан шиг хандаж, шинэчлэлийг хийсэн шиг хийх хэрэгтэй.

.

П.Наран