БНСУ-д ажиллаж амьдарч байгаа эмэгтэйчүүдийнхээ ахуй амьдралтай танилцах, төрөөс эмэгтэйчүүдтэй уулзалт ярилцлага хийхээр болжээ. Тодруулбал, УИХ-ын гишүүн, УИХ дахь Ардчилсан намын бүлгийн дэд дарга С.Одонтуяа, Үндэсний био энерги судлал, эмчилгээний хүрээлэнгийн тэргүүн, АУ-ны профессор Д.Пүрэвсүрэн нар оролцож, тус улсад ажиллаж амьдарч байгаа эмэгтэйчүүдтэйгээ уулзах аж. Уулзалт ярилцлага энэ сарын 10-ны 11.00 цагт Сөүл глобал төвд болох бөгөөд энэ үеэр БНСУ дахь Нийгмийн хамгааллын үйлчилгээний төвийн албан хаагчид иргэдэд нийгмийн даатгал, нийгмийн халамжийн мэдээлэл зөвөлгөө өгч ажиллах юм байна. Б.Сайнаа