Нутаг дэвсгэрт нь хийж буй ураны хайгуулыг зогсоохын тулд сүүлийн найман сарын хугацаанд тэмцсэн Дорноговь аймгийн Улаанбадрах сумын иргэд уул уурхайн “Орд гео” компанийн  дөрвөн өрмийг зогсоожээ.

Тус сумын иргэдтэй өнгөрсөн сарын 31-нд “Орд гео” компанийн удирдлагууд, Цөмийн энергийн газрын мэргэжилтнүүд болон Засгийн газрыг төлөөлж Дорноговь аймгийн ЗДТГ-ын хүмүүс ирж уулзалт хийсэн байна.

Гэвч Засгийн газрын төлөөлөл, Цөмийн энергийн газрын мэргэжилтнүүд ураны хайгуул явуулж буй гадны компанийн талд зогсож, нутгийн ард иргэдийг үл тоомсорлосон гэдгийг Улаанбадрах сумын иргэд ярьж байв.  “Тус сумын гурван настай хүүхдэд элэгний өөрчлөлт илэрч, мал үхэх үзэгдэл үргэлжилсээр байна.

Эдгээр учир битүүлэг өвчлөл “Орд гео” компанийн хог хаягдлаас үүсч байгаа гэсэн таамаглалыг дэвшүүлж байгаа юм. Цаашид тус сумын ард иргэд уран хайгуулын өрмийг ажиллуулахгүй байх бүх аргыг хэрэглэн тэмцэнэ” гэж мэдэгдлээ.

Б.Будхүү