Өчигдөр Пакистаны Карачи хотын хөл бөмбөгийн талбай дээр тэсрэх бөмбөг дэлбэрч, долоон хүн амь насаа алдсан байна. Энэхүү  дэлбэрэлтээс таван цагийн дараа Багдадад цуврал дэлбэрэлт болж, 100 гаруй хүн шархдан, 27 хүн амь үрэгдсэн хэрэг гарчээ.

Иракийн хамгаалалтын албаны ажилчдын хэлснээр тэсрэх бөмбөг худалдааны төвүүд байдаг, хүмүүс ихээр төвлөрсөн зургаан газар, зам дээр дэлбэрсэн гэжээ. Тэсрэх бөмбөгийг машин дотор байрлуулсан байна. Энэ халдлагыг тус улсын Ерөнхий сайд, шийт шашинт Нури Аль-Маликийн тэргүүлдэг Засгийн газрын бодлогын эсрэг сунитуудын хийсэн хэрэг гэж үзэж байна.

Б.Дэлгэрцэцэг