АНУ сүүлийн өдрүүдэд зарим ЭСЯ, консулын газраа “Аль Кайда” бүлэглэлийн цохилтоос сэргийлж хаах тухай шийдвэр гаргасан талаар Цагаан ордны хэвлэлийн төлөөлөгч Карней мэдээлэл хийлээ. Арабын хойгт төвлөрөөд зогсохгүй дайралт өөр бүсэд ч гарч болзошгүй хэмээн яамдуудаа хаасан гэнэ.

Тэрбээр “ЭСЯ, консулын газарт тулгарч буй аюул нэлээд ноцтой байдалд байгаа. АНУ-ын төрийн департамент хэд хэдэн  арга хэмжээ зарласан. Цаашид аюулгүй байдлыг хянаж, шаардлагатай арга хэмжээ авна” гэсэн байна. АНУ-ын нутаг дэвсгэр гадны дайралтад өртөх магадлал хэр зэрэг буйг асуусан асуултад тэрбээр “Миний мэдлээс хэтэрсэн хариулт байна” гэжээ.

Түүнчлэн “Аюул гол төлөв Арабын хойгт төвлөрөх хандлагатай байгаа.  Гэхдээ энэхүү бүс нутгаар хязгаарлагдахгүй, өөр газруудад хорлон сүйтгэх ажиллагаа явагдаж магадгүй” гэж мэдэгдсэн байна.

Б.Дэлгэрцэцэг