Лениний музейтэй холбоотой Нийслэлийн давж заалдах шатны шүүх хурал өнөөдөр боллоо. Энэ шүүх хурлаар МАН-ын гаргасан давж заалдах нэхэмжлэлийг авч хэлэлцээд Лениний музейг төрийн өмч гэж тогтоолоо.
Лениний музейн барилгын асуудлаарх анхан шатны шүүх хурал өнгөрсөн зургадугаар сарын 13-нд Чингэлтэй дүүргийн шүүхэд болсон. Тус шүүх хуралдаанаар МАН-ын эзэмшиж байсан барилгыг музейн зориулалтаар ашиглах нь зөв хэмээн үзэж эзэмшигчээр нь Төрийн өмчийн хороог тогтоосон. Мөн МАН-ыг хууль бус өмчлөгч тул уг байрнаас албадан чөлөөлөх гэсэн шүүхийн шийдвэр гарч байсан билээ. Харин уг шийдвэрийг хууль бус хэмээн үзсэн МАН-ынхан давж заалдсан ч Нийслэлийн шүүх анхан шатны шүүхийн шийдвэрийг ийнхүү хэвээр нь үлдээлээ.
Д.Цэцэг