Баянбүрдийн тойргоос 32-ын тойрог хүртэлх 1.7 км авто замын шинэчлэлтийн ажлыг "Наранбулаг Хан" ХХК гэрээ байгуулан гүйцэтгэж байгаа. График ёсоор энэ сарын 29-нд нээх ёстой байсан замын зорчих хэсгийг өнөөдөр 12.00 цагт нээлээ. Тус замыг 24 цагаар, хоёр ээлжээр ажиллаж, графикт хугацаанаасаа ийнхүү  17 хоногоор түрүүлж нээж байгаа юм. Зорчих хэсгийг нээсний дараа явган хүний зам, гэрэлтүүлгийн ажлыг гүйцэтгэн замыг иж бүрнээр хүлээлгэж өгнө. Д.Цэцэг