Тодруулбал, энэ сарын 12-нд Дэлүүн сумаас 40 км-ийн зайд нутаглах саахалт айлын 13 настай Д, 17 настай Ц гэх хүүхдүүд хонинд явжээ. Гэтэл тэд тэр өдрөө хониноос эргэж эрээгүй байна. Тиймээс ар гэрийнхэн нь тэднийг хайхад 17 настай Ц-г нас барсан байхад олджээ. Харин 13 настай хүү олдоогүй байна. Тиймээс нутгийн иргэд аймгийн цагдаагийн хэлтэст хандаж, 13 настай хүүг хайх эрлийн баг гаргасан байна. Эрлийн баг 13 настай хүүг нэлээдгүй хайсны эцэст өчигдөр мөн л нас барсан байхад нь олжээ. Эх сурвалжийн мэдээлж буйгаар хүүхдүүдийн цогцост задлан хийхэд ямар нэг гадны нөлөөлөл байгаагүй. Тэд хаднаас унасан байж болзошгүй гэнэ. Хэргийг тус аймгийн цагдаагийн хэлтэс үргэлжлүүлэн шалгаж байна.