Энхтайваны өргөн чөлөөний зүүн хэсэг буюу Зүүн 4 замын уулзвараас Офицеруудын ордон - Чулуун-Овоо - Тролейбусны эцсийн буудал хүртэлх 4.5 км авто замыг 15 хоног хэсэгчлэн хааж зам барилгын ажил хийхээр болжээ. Зам хаах хугацааг дараахи байдлаар төлөвлөжээ. 8 сарын 14 - 17-ныг дуустал Эскадрилийн хөшөөний тойрог хэсгийн хойд урсгалыг бүтэн хаана. 8 сарын 17 - 19-нийг дуустал Офицеруудын ордны буцаж эргэх тойргоос Чулуун-Овооны тойрог чиглэлд 150 метр замыг хаана. 8 сарын 19 - 22-ныг дуустал Чулуун-Овооны тойрог хэсгийг хэсэгчилж хаана. 8 сарын 21 - 24-нийг дуустал "Гялс" төв рүү эргэдэг уулзвараас зүүн тийш 180 метр замын урд урсгалыг хаана. 8 сарын 24 - 26-ныг дуустал дээрх хэсгийн хойд урсгалын 100 метр замыг хаана. 8 сарын 25 - 27-ныг дуустал Зүүн чиглэлд явах хот хоорондын авто вокзалаас Тролейбусны эцсийн буудал хүртэл 600 метр замын хойд урсгалыг хаана. 8 сарын 27 - 29-нийг дуустал дээрх хэсгийн урд урсгалыг хаана. 8 сарын 28 - 29-нийг дуустал Эскадрилийн хөшөөний тойргоос Чулуун-Овооны тойрог хүртэл 380 метр замыг бүтэн хаана.   Д.Цэцэг