Уулзалтад Монгол Улсын Ерөнхийлөгч асан П.Очирбат, Н.Багабанди, УИХ-ын дарга асан Р.Гончигдорж, Ц.Нямдорж, Д.Лүндээжанцан, УИХ-ын дарга З.Энхболд, Ерөнхий сайд асан Д.Содном, Ш.Гунгаадорж, Д.Бямбасүрэн, Р.Амаржаргал, С.Баяр, Ерөнхий сайд Н.Алтанхуяг нар оролцлоо. Харин Монгол Улсын гурав дахь Ерөнхийлөгч Н.Энхбаярт урилга явуулсан ч тэрээр БНСУ  руу эмчлүүлэхээр явсан тул ирж чадаагүй юм. Уулзалтаар монгол орны мөнгө зээлийн асуудал, ханшийг хэрхэн барих зэрэг асуудлыг хөндөн ярилцсан байна. Тэр дундаа Оюу толгойн асуудлыг нэлээд нухацтай ярилцаж, хүн бүрийн бодлыг сонсчээ. Энэ хүрээнд гэрээгээ эргэж харах, гадаадын хөрөнгө оруулалтыг үргээх нөхцөл болоод байгаа хууль эрх зүйн орчин байгаа бол түүнийг сайжруулах зэрэг асуудлаар санал солилцсон бөгөөд үүн дээр яаралтай арга хэмжээ авахыг Засгийн газар, УИХ-д үе үеийн төрийн өндөрлөгүүд санал болгосон байна.