Монгол Улсын Засгийн газраас жижиг дунд үйлдвэр эрхлэгчдийг дэмжих  бодлого баримталж, тодорхой бодлого хэрэгжүүлж буй. Тиймээс өмнөх Засгийн газрын хэрэгжүүлж байсан бодлогыг үргэлжлүүлэн Хөдөлмөрийн яамны дэргэд Жижиг дунд үйлдвэрийг хөгжүүлэх санг байгуулсан билээ. Уг сангийн тусламжтайгаар ажлын байрыг нэмэгдүүлэх, баялгийг тэгш хуваарилах, хөдөлмөр эрхлэлтийг дэмжих, бизнес эрхлэх таатай орчинг бүрдүүлэх, хөрөнгө оруулалт, зээлийн онцгой нөхцөл бий болгох, хууль эрх зүйн хувьд жижиг дунд үйлдвэрлэл, өрхийн бичил бизнес эрхлэгчдийг дэмжиж байгаа юм.

6

Улмаар жижиг, дунд үйлдвэрлэл эрхлэгчдэд олгох зээлийн дээд хэмжээ анх 50 сая  байсныг 500 сая төгрөгт хүргэж, зээлийн эргэн төлөгдөх  хугацааг сунган, хүүг бууруулсан. Энэ хүрээнд зээлд хамрагдаж, монголдоо анх удаа төмөр эдлэлийг хуурай технологиор будах үйлдвэрийг иргэд жижиг дунд үйлдвэрийг дэмжих зээлийн хүрээнд  өөрсдийнхөө санаачлагаар байгуулжээ. Ингэхдээ зээлийн дээд хэмжээ буюу 500 сая төгрөгийн зээл авч  Япон, Солонгос технологи, тоног төхөөрөмж худалдан авсан байна. Энэхүү үйлдвэр нь  5 мм ган утсаар 60см-6м хүртэл өндөртэй (4*14см дөрвөлжин нүхтэй) Солонгос торон хашаа, хаалгыг Монголдоо анх удаа үйлдвэрлэж эхэлсэн байна. Түүнчлэн хуурай будгаар төмөр эдлэл, торон хашаа будах технологийг нэвтрүүлсэн нь гадаа ил задгай талбайд гагнаас салж будаг хуурахгүй, өнгө алдахгүй давуу талтай аж.

6

Энэ технологиор хийсэн бүтээгдэхүүнийг цэцэрлэгт хүрээлэн, зүлэгжүүлсэн талбайн хашлага, спорт талбайн хашаа, таримал ургамал, ойжуулалт, мод үржүүлэг, жимс жимсгэний болон фермерийн аж ахуйн хашаа, амины орон сууц, цонх тагтны хаалт, зуслан, аялал жуулчлалын баазын эзэмшил газрын хашаа, нисэх буудлын хамгаалалтын зурвас, төмөр замын хашлага, автозамын хаалт болон барилга байгууламжийн хаалт, хамгаалалтын хашаа хайс, төмөр торон хаалга гэх мэт маш олон  төрлөөр ашигладаг аж.

6

Манай улсад энэ төрлийн бүтээгдэхүүний хэрэглээ өндөр байдаг. Гэвч ихэвчлэн Солонгос улсад үйлдвэрлэсэн хашаа, хайсыг  өндөр үнээр импортоор оруулж ирж байжээ. Харин жижиг дунд үйлдвэрийг дэмжих зээл эзэндээ хүрснээр Монголдоо үйлдвэрлэсэн бүтээгдэхүүн хэрэглэх боломж бүрдсэн байна.

6

П.Наран