Холливудын нэг ч жүжигчин Хятад Улсын Ерөнхий сайд Жоу Эньлай шиг өөртөө итгэлтэй ихэмсэг алхаж чадахгүй гэж тухайн үеийн дэлхийн хэвлэл мэдээллийн топ мэдээнд бичиж байжээ. Энэ зураг 1954 онд Женевт ирсэн ноён Жоу Эньлайн хөрөг. Одоогоос 37 жилийн өмнө 1976 оны нэгдүгээр сарын 8-нд Жоу Эньлай нас барахад НҮБ-ын Нью-Йорк дахь төв байранд тус байгууллагын тугийг хагас бөхийлгөж байжээ. Энэ бол үнэхээр ховор үзэгдэл байв. Учир нь НҮБ 1945 онд байгуулагдсанаас хойш олон орны төрийн тэргүүн нас барж байсан боловч тугаа бөхийлгөж байсан удаагүй юм. Тиймээс ч зарим улс орон НҮБ-ыг шударга бус загналаа гэж шүүмжилж байсан удаатай. Тухайн үеийн тус байгууллагын ерөнхий нарийн бичгийн дарга Курт Вальдхайм Ерөнхий ассамблейн байрны өмнөх шатан дээр зогсож “Жоу Эньлайн дурсгалд зориулан тугийг бөхийлгөсөн нь миний шийдвэр. Шалтгаан нь нэгдүгээрт, Хятад Улс эртний соёл иргэншилтэй, асар их баялагтай ард түмэн. Харин Жоу Эньлайд сохор зоос ч байгаагүй. Хоёрдугаарт, Хятадад тэрбум гаруй хүн амьдардгийг хүн бүхэн мэднэ. Дэлхийн хүн амын дөрөвний нэг нь. Гэвч Жоу Эньлайд өөрийн гэсэн хүүхэд байгаагүй. Тиймээс НҮБ түүнийг нас барсан өдөр тугаа бөхийлгөж байгаа юм” гэхэд хүмүүс алга нижигнүүлэн ташсан гэдэг. Д.Од