Өнгөрсөн лхагва гаригт Сүхбаатар дүүргийн VIII хороонд үйл ажиллагаа явуулдаг “Michelle” зочид буудлын дөрөвдүгээр давхрын цонхоор 29 настай эмэгтэй унаж, амиа алдсан. Энэ хэрэгт уг зочид буудлын эзэн гэх БНСУ-ын хоёр иргэнийг саатуулан шалгаж эхэлсэн билээ. Тэгвэл тэднийг өнгөрсөн баасан гаригаас эхлэн батлан даалтад гаргаж, гадуур байцааж эхэлжээ.

Тус хэрэгт холбогдоод байгаа “Michelle” зочид буудлын эзэн Хун цагдаагийн ажилтнуудад өгсөн мэдүүлэгтээ “Намайг хувцсаа сольж байхад талийгаач шууд орж ирээд юу ч хэлэлгүй цонх онгойлгоод үсэрчихсэн. Хагарталаа баярлаад үсэрсэн байх” гэжээ.

Учир нь талийгаач эмэгтэй гадаадад  сурахаар зэхэж байсан бөгөөд нас барахын өмнөх өдөр Австрали явах виз нь гарсан гэнэ.

Б.Одон