Одоогоос хэдэн жилийн тэртээ монголын толгой баян “Алтны магнат” Ц.Мянганбаяртай амьдралаа холбож, зургаа дахь охиныг нь төрүүлж өгсөн Д.Ариунцэцэг өдгөө Франц улсад амарч явна. Тэрбээр М.Хайрмаа охиныхоо хамт Парис хотын түүх дурсгалын газрууд болон дурлалт хосуудын хайрын түгжээгээр чимэглэсэн гүүрээр аялаж, тус улсад амьдардаг ахан дүүстэйгээ уулзалдсан тухайгаа хувийнхаа цахим хуудаснаа бичжээ. Мөн тус хотын Нотре-Дамын сүмд мөргөж, монголчуудынхаа амар амгалангын төлөө зул өргөсөн бөгөөд  ээж, охин хоёр энэ сарын дундуур эх орондоо эргэн ирэх сурагтай.

Сонирхуулахад, Д.Ариунцэцэг анхны хайраасаа хойш ямар ч эр хүнтэй нэр холбогдож, элдэв асуудлын бай бололгүй явсан нь туйлаас үнэн гэнэ. Тиймдээ ч Ц.Мянганбаяр бусад эхнэрүүдээсээ илүүтэйгээр Д.Ариунцэцэгийг анхаарч, идэх уух өмсөх зүүхээр гачигдуулдаггүй гэдгийг ойрын эх сурвалжууд хэлдэг юм билээ. Түүнчлэн, Ц.Мянганбаярыг топ модель Пүрэвдуламтай холбогдноос хойш тэдний харьцааг хүлээн зөвшөөрч, гэрлэлтээ цуцлуулах өргөдөлдөө гарын үсгээ зуржээ.