Японы Жүдо бөхийн холбооны тэргүүн Харуки Уэмуруг удирдлагад нь багтдаг 22 гишүүний хамт өчигдөр ажлаас нь халжээ. Тамирчдаа зодож, доромжилдог дасгалжуулагчдын асуудлыг мэдсээр байж ямар ч арга хэмжээ авалгүй олон жилийн нүүр үзсэн холбооны удирдлагыг ч халах нь зөв гэж үзсэн байна.

Өнгөрсөн оны сүүлчээр Японы 15 жүдоч Олимпийн хороондоо өргөдөл гаргаж, багш дасгалжуулагч нар тэдэнтэй зэрлэгээр харьцаж, зодож, доромжилдгийг илчилсэн юм. Энэхүү өргөдөлд гарын үсгээ зурсан тамирчид дотор Японы шигшээ багийнхан хүртэл багтсан байжээ. Энэ хэрэгтэй холбогдуулан Японы жүдо бөхийн шигшээ багийн дасгалжуулагч Рюжи Сонода өөрийн хүсэлтээр халагдсан байна.

Б.Дэлгэрцэцэг