Хан Ми  FTA  буюу Өмнөд Солонгос АНУ хоорондын худалдааны холбооны ээлжит гэрээг Их Хурлаар батлуулахгүй хэмээн хуурай нулимс асгаруулагчийг Их Хурлын дарга руу цацсан Их Хурлын гишүүн Канг Сон Дунгийн уйлж буй зураг Солонгосын мэдээллийн байгууллагын шилдэг зургаар тодорчээ. Түүнийг нулимс асгаруулагчаа цацсаны дараа Их Хурлын танхимд байсан 10 гаруй хамгаалагч хүчээр гаргасан ба тэрээр энэ үед уг гэрээг цуцлахаас нааш эндээс холдохгүй хэмээн ихээхэн эсэргүүцэл үзүүлж, үүнийхээ дараа уйлсан байна. Тэрээр энэ оны 04.27-нд болсон нөхөн сонгуулиар Чоннам, Сүнчоноос сонгогчдын олонхын санал аван  Чинбужонгданг намаас сонгогдсон Их Хурлын отгон гишүүний нэг. Корё их сургуулийн оюутны зөвлөлийн дарга, 1988 онд Солонгост дэлгэрч буй Америкийн соёлыг эсэргүүцэгч оюутны жагсаалыг зохион байгуулагчаар ажиллан цагдаагийн газарт баригдаж байсан  нэгэн бөгөөд үүнээс хойш HYUNDAI , ASIA CAR , GIMHU TIRE  зэрэг тухайн үеийн компаниудад жирийн ажилчин хийхээс гадна ажилчдын эрх ашгийг хамгаалах байгууллагынхаа тэргүүлэгч, удирдагч зэрэг олон үүргийг гүйцэтгэж ирсэн юм байна. Хурлын гишүүн Канг Сон Дунг энэ удаа хуурай нулимс асгаруулагч цацсанаа , энэ бол иргэдийнхээ төлөө гаргаж буй миний нулимс хэмээн тайлбарлаад буруутай гэдэг нь  тогтоогдвол хуулийн дагуу хариуцлага хүлээн шоронд суухаа мэдэгдээд байна.