Амур мөрний усны түвшин 100 жилийн өмнөх гамшгаас давж 688 см боллоо гэж Оросын Цаг уурын хүрээлэнгээс мэдээлж байна. 100 жилийн өмнө тус газар 653 см-т хүрч байжээ. Усны түвшин хоногт 15 см-ээр дээшилж байгаа аж. Удалгүй Амур мөрний түвшин 691 см-т хүрч найман метр давах магадлалтай гэж мэргэжилтнүүд хэлж байна.

Одоо тус хотод 481 байр сав, 4000 гаруй зуслангийн ногооны талбай усанд автаад байгаагаас 409 хүнийг нүүлгэн шилжүүлсний 123 нь усанд живсан байр савнаас аварсан хүмүүс байжээ.

Хабаровскт түр оршин суух 55 газар нээж 11,5 мянган хүн амьдарч байна. ОХУ, Алс Дорнодын Онцгой байдлын газрын 8000 гаруй аврагч тус бүс нутагт ажиллаж байна.

Д.Од