"Нарантуул" худалдааны төвийн хүнсний захад гал гарсаны улмаас тус зах өчигдөр болон өнөөдөр ажиллаагүй.  Харин хичээл сургууль орох дөхсөн энэ үеэр наймаачдын орлогыг хааж ийнхүү ажлуулахгүй байгааг эсэргүүцэн өглөө Дархан-Минж уулзварын хэсгээс “Нарантуул” худалдааны төвийг орох замыг хаан жагсч, улмаар задгай хэсгийг ажилуулахыг шаардаж байна.   Цагдаа болон онцгой байдлын 685 албан хаагч хэргийн газарт ажиллаж байгаагаас гадна Улын мөрдөн байцаах газрын Онц хүнд, зохион байгуулалттай гэмт хэрэгтэй тэмцэх хэлстийн даргаар ахлуулсан цагдаагийн бие бүрэлдэхүүн хэргийн газарт үзлэг, шалгалт хийж байна. Мөн шүүхийн шинжээчид ажиллаж байгаа юм .Ажлын хэсгийнхэн 24 цагийн турш хэргийн газар ажиллаж, тусгаарлах хашааг барьж эхэлжээ. Нийслэлийн мэргэжлийн хяналтын газрын Барилгын техникийн хяналтын улсын байцаагч тус обьектед гарсан гал түймрийн улмаас барилгын метал хийцүүдэд өөрчлөлт орж, нурах, цөмрөх аюултай нөхцөл байдал үүссэн. Тиймээс аюулгүй ажиллагааг хангасны дараа дотгош хүн нэвтрүүлж үзлэг хийх хэрэгтэй гэсэн зөвлөмжийг өгсөн байна. Д.Цэцэг