Өнгөрсөн жилээс эхлэн замын түгжрэлийг арилгах нийтийн тээврийн үйлчилгээг шуурхай болгох үүднээс нэгдүгээр эгнээгээр том оврын автобуснаас бусад тээврийн хэрэгсэл зорчихгүй байх журам хэрэгжүүлсэн. Мөн автобусыг хоёр гуравдугаар эгнээгээр зорчвол торгох арга хэмжээ авахаар болсон билээ.

Гэвч энэ хугацаанд уг журам тийм ч сайн хэрэгжээгүй. Дан ганц жолооч нар ч бус том оврын автобусны жолооч нар өөрсдөө хоёр гуравдугаар эгнээрүү шилжин явж замын хөдөлгөөнд саад учруулсаар байсан юм.

Иймээс Энх тайвны өргөн чөлөөг бүхэлд нь камержуулан нэгдүгээр эгнээгээр зорчсон тээврийн хэрэгслийн жолоочид, хоёр гуравдугаар эгнээгээр зорчсон автобусны жолооч нарт албан газар, гэрийн хаягаар нь торгуулийн хуудас илгээж байхаар болсон байна.