Вашингтон Сирид цэргийн хүч хэрэглэх талаар хэлэлцэж байгаа гэж тус улсын Батлан хамгаалахын сайд Чак Хейгель Малайзид айлчлал хийхдээ  хэлжээ. Тэрбээр “Ерөнхийлөгч Батлан хамгаалах салбар бүх тохиолдолд бэлэн байхыг үүрэг болгосон. Бид ч бэлэн байгаа”  хэмээн Пентагоны тэргүүн сэтгүүлчидтэй уулзахдаа хэлсэн байна.   Чак Хейгель АНУ-ын арми, флот Зэвсэгт хүчний ерөнхий командлагчийн тушаалыг хүлээж байна гэжээ. Ямар хувилбараар гэдгийг тэр хэлээгүй ч өнгөрсөн долоо хоногт хоёр удаа Сирийн талаар Цагаан ордонд зөвлөлдсөн байна. Одоо Газрын дунд тэнгисийн бүс нутагт “Нимиц” сөнөөгч онгоцны бүрэлдээхүүнд  “Харри Трумен” нэмэгдсэн талаар эх сурвалж мэдээлжээ. Д.Од