Хятадын цэргийнхний туршиж байгаа сансрын гурван аппарат барууныхны бас нэг түгшүүр болж байна гэж Америкийн хэвлэлд бичжээ. Өнгөрсөн сарын 20-нд гурван хиймэл дагуулыг хөөргөсөн юм. Сансарт эдгээр аппаратууд энгийн бус маневрууд хийсэн нь хятадууд хиймэл дагуулын эсрэг сансрын зэвсэг үйлдвэрлэж байх магадлалтай гэж The Washington Free Beacon-д бичжээ.

Эх сурвалж дээрх аппаратыг АНУ-ын үндэсний хамгаалалтынханд бодитой асуудал үүсгэж болзошгүй. Энэ бол Хятадын “Оддын дайн” хөтөлбөрийн нэг хэсэг  хэмээн тодорхойлсон байна.

Хятадын гурван хөлгийг цэрэг дайны зориулалттай туршилтын аппарат гэдэгтэй мэргэжилтнүүд ч санал нэг байгаа аж. Пентагон дээрх байдлын тухай хараахан тайлбар хийгээгүй байна.

Д.Од