Өнөөдөр Баянзүрх дүүргийн шүүхэд төрсөн хүүгээ заазуурдаж гэмтээсэн Н.Довчинжамцыг шүүх хурал боллоо. Уг шүүх хурал насанд хүрээгүй хүүхдэд холбоотой учраас хаалттай хэлэлцсэн юм. Түүнийг Эрүүгийн хуулийн тусгай ангийн 181.3 -т зааснаар буюу "зэвсэг, зэвсгийн чанартай бусад зүйл хэрэглэж бусдад гэмтэл учруулсан", мөн 100.1-т зааснаар буюу "Байнга зодох буюу тарчлаасан" гэдэг үндэслэлээр буруутган шүүсэн. Улмаар Баянзүрх дүүргийн шүүхээс түүнд 7.6  жил хорих ял оноолоо. Тэрээр шүүх хурлын үеэр "Би хүүхдээ заазуурдаж гэмтээсэн нь үнэн. Гэхдээ байнга зодож байгаагүй" хэмээн мэдүүлжээ.

Өнгөрсөн тавдугаар сард 46 настай Н.Довчинжамц нь согтууруулах ундаа хэрэглэсэн үедээ төрсөн хүү болох таван настай И-г заазуураар зүсэж гэмтээсэн. Уг  хэргийг тухайн үед хүүд түргэн тусламж үзүүлсэн Яаралтай түргэн тусламжийн төвийн их эмч П.Батсүх олон нийтэд ил болгож байсан билээ.

Д.Цэцэг