Баянгол дүүргийн тавдугаар хороонд байрлах “Орхон” худалдааны төвийн хэсэг түрээслэгч өнгөрөгч мягмар гаригт хэвлэлийн хурал зарлаж, худалдааны төвийн удирдлагууд нь түрээсийн үнээ нэмэх гээд байна хэмээн мэдээлж байсан. Тэд хэлэхдээ худалдааны төвд засвар хийх нэрийдлээр хэд хоног хааж байгаад түрээсийнхээ үнийг шалтгаангүйгээр нэмэх гэж байна хэмээж байсан. Харин уг асуудалд тус захын удирдлага болон зарим түрээслэгч нарын зүгээс арай өөр байр суурьтай байгаагаа өчигдөр илэрхийлсэн юм. Энэ асуудлаар тус худалдааны төвийн гүйцэтгэх захирал Г.Бямбасүрэнтэй уулзаж ярилцлаа.

а

-Орхон худалдааны төвтэй холбоотой үүсээд байгаа маргааны талаар эхлээд тайлбарлаач. Хэзээ юунаас эхэлсэн маргаан юм бэ?

-Орхон худалдааны төвийг 2004 онд ашиглалтад оруулан үүнээс хойш үйл ажиллагаагаа тасралтгүй явуулж байгаа ба “Батсервис” компани 100 хувь өөрийн хөрөнгөөр барьсан. Орхон худалдааны төв нь 916 мКв талбайд нийт 72 түрээслэгчийг ажлын байраар хангаж, энэ сарын 15-ний өдрийг хүртэл үйл ажиллагаагаа хэвийн үргэлжлүүлж ирсэн юм.

х

Анх худалдааны төв барих газрыг эзэмшигч нь болох Монголын Холхивч нум сумын спортын холбооны  /МХНСХ/ дарга Д.Агваантай гэрээ хийж, тохиролцсоны дүнд  тус захыг босгосон.  Гэрээ ёсоор худалдааны төв  баригдсаны дараа Д.Агваанд 40 ткв талбай олгохоор болсон ч худалдааны төв ашиглалтад орох үед гэрээнд заасан хэмжээнээс давуулан 108 мкв газар түүний мэдэлд очсон. Гэтэл сүүлдээ худалдааны төвийн газар минийх хэмээн  дарамталж, бичиг баримт хүртэл хуурамчаар гаргуулсан байсан.

а

Тиймээс бид 2004 оны дөрөвдүгээр сард Баянгол дүүргийн шүүхэд хандсанаар энэхүү шүүхийн маргаан эхэлж, ес дэх жилийн нүүр үзэж байна. энэ хооронд магш орлон шүүхийн шийдвэр итогтоол гарч байсан. 2009 онд маргааныг эцэслэн Орхон худалдааны төвийн өмчлөгч нь “Батсервис ХХК мөн” гэж албан ёсоор тогтоож өгсөн. Ингэхдээ мөн газрын асуудбылг давхар шийдэж өгсөн. “Вилмар” компани нь энэ Орхон худалдааны төвийн барилгыг нүүлгэх, газар чөлөөлүүлэх ямар ч эрхгүй хуулийн этгээд гэдгийг ч тогтооёсон. Ингэж явсаар газрын асуудал эцэслэн тодорхой шийдэгдэхгүй бйасаар 2012 оны 12 дугаар сард Захиргааны хэргийн шүүхийн 212 дугаар тогтоол гарч энэ Орхон худалдааны төвийэн газрын асмуудалыг бүзрэн эцэслэн шийдвэрлэж өгсөн. Одоо асуудал ямар шатад яваа гэхээр Нийслэлийн газрын алба бүрэни эрхийнхээ хэмжээнд Орхон худалдааны төвийн газрыг биздэнд хууль ёсны дагуу эзэмшүүллэх  үйл ажиллагаа явагдаж байгаа.

а

-Түрээслэгчид хоёр хуваагдчихаад байгаа гэсэн. Ямар шалтгаанаар ингэж хуваагдах болов?

-Нийт түрээслэгчид дотроос есөн хүн түрээслэгчдийн түр холбоо гэдгийг байгуулсан.  Учир нь 2013 оны гуравдугаар сарын 1-ний УИХ-аөас баталсан Тамхины тухай хууль батлагдсантай холбоотойгоор манай төвд тамхи худалдаалахыг хориглосон. Үүнтэй холбоотойгоор Захиргааны зүгээс арга хэмжээ авч тамхи зарахгүй бахыг сануулж, хурал зөвлөгөөн хийсэн юм. Энэ есөн хүний дунд тамхи худалдан борлуулж байсан бүх хүмүүс явж байгаа. Тэд тамхи худалдаалах эрхээ хаалгахгүй гэж “Орхон худалдааны төв”-ийн захиргаатай зөрчилдсөн. Дээрээс газрын маргаантай байсан Д.Агваан гэгчийн турхиралтад ороод нийтдээ 17-18 түрээслэгч л бидний талаар буруу ташаа мэдээллийг хэвлэлийнхэнд өгөөд яваад байна. Тэр ч бүү хэл захиргаанаас явуулж буй “Тамхины тухай хууль”-тай холбогдуулан авсан арга хэмжээ зөв гэж хэлсэн түрээслэгчдийг бууны нохой  гэж нэрлэдэг гэж сонссон.

а

-Танайхыг түрээсийн үнээ үндэслэлгүйгээр нэмсэн талаар зарим түрээслэгч яриад байгаа шүү дээ. Хэчнээн хувиар ямар үндэслэлээр нэмсэн юм бэ?

-Бид 2010 онд түрээслэгчидтэйгээ хуралдаад түрээсийн үнээ нэмэх талаар ярилцсан ч тодорхой шийдэлд хүрээгүй.  Манай нэг ам.мкв талбайн түрээсийн үнэ 40 мянган төгрөг байсан. Үүнийг 69 мянга болгосныг зарим түрээслэгч эсэргүүцээд байгаа. Гэхдээ манай түрээсийн үнэ  зах зээлийн үнээс маш доогуур байгаа. Гадуур нэг ам.мкв талбайн түрээсийн үнэ 100-200 мянган төгрөг байгаа шүү дээ. Бид түрээсийн үнээ нэмэх талаар ярилцаж байх үед хэл ам гарсан, тэгээд ч одоогоор манай худалдааны төв ажиллаагүй байгаа учраас үнээ нэмээд түрээслэгчдээс авсан зүйл алга.

а

-Танай түрээслэгчид таны талаар гомдол гаргасанд та ямар тайлбар хийх вэ?

-Худалдааны төвдөө засвар хийхээр энэ сарын 16-наас ирэх есдүгээр сарын 15-ныг дуустал гэж ажиллахгүй гэсэн зар тавьсан байгаа. Гэтэл бидний эсрэг яриа гаргаад байгаа 17-18 хүн лангуугаа суллаж, талбайгаа чөлөөлж өгөхгүй байна. Бид засварын ажлаараа шалны плитагаа солих гэтэл тэднээс болж засварын ажил зогсчихоод байна. Тэр хүмүүсийн гомдол гэж юу байхав дээ. Д.Агвааны үгээр л тэгж яваа юм. Тэдэнд ингэж хэл ам хийж явах үндэслэл байхгүй.

а

-Түрээслэгчид чинь БГД-ийн цагдаа дээр гомдол гаргачихсан байгаа гэсэн?

-Тэр одоо хуулийн дагуу л шийдэгдэх байлгүй дээ. Тэд ямар асуудлаар гомдол гаргасныг мэдэхгүй байна.

а

 -Таныг Д.Агваан гэдэг хүний газрыг хууль бусаар авсан талаар л зарим түрээслэгчил яриад байгаа шүү дээ?

-Хууль бусаар авсан юм ерөөсөө ч байхгүй. Д.Агваан гэдэг хүн чинь өөрөө тийм юм яриад хууль бус захирамж, шүүхийн тогтоол авч яваад байгаа тийм л асуудал болоод байгаа. байна. Үүнийг шат шатны шүүхийн тогтоолууд батална.

ах

-Д.Агваан 2004 оноос тасралтгүй хөөцөлдсөөр байгаад одоо таниас газраа  авахаар болсон гээд байгаа. Тэгээд таныг бас авлига гэж бодно уу, хандив гэж бодно уу гээд түрээслэгчдээсээ мөнгө нэхдэг гэж яриад байгаа?

-2004 онд харин манайх нэхэмжлэл гаргаад тэр хүнийг шүүхэд татсан юм. Энэ маргаан чинь явсаар байгаад 2010 онд эцэслэн шийдвэрлэгдээд, уг нь дууссан байтал энэ хүн нэг талаас гарч ирээд юу ч яриад байгаа юм. Гомдол гаргаад байгаа хэдэн түрээслэгчид хуучин энэ Д.Агваан гэдэг хүнтэй “Хөх бүрд” гэдэг зах байхад наад хэдэн н.Алиманцэцэг, н.Оюунцэцэг гэсэн тэргүүтэй хүмүүс контейнэр түрээслүүлдэг байсан юм. Тэр хэдэн хүмүүстэйгээ нийлчихээд буруу зүрүү ойлголт өгөөд л бидний эсрэг турхирах үйл ажиллагаа явуулаад, хэдэн түрээслэгч нарыг ч хооронд нь эвдрэлцүүлээд ийм л асуудал болгоод байгаа юм. Хэвлэлээр яриад байгаа шиг тийм дарамталсан дарамтлуулсан асуудал байхгүй.

а

-Д.Агваан гэдэг хүнтэй тохиролцоонд хүрч болдоггүй юм уу?                            

-Бид анх тохиролцсон гэрээндээ хүрсэн. Харин Д.Агваан тохиролцоондоо хүрсэнгүй. “Орхон худалдааны төв”-ийг барьсаны дараа Д.Агваанд конторын зориулалтай 108 мкв талбайгаа  Монгол Улсын дээд шүүхийн 508 тоот тогтоолын дагуу хүлээлгэн өгсөн. Д.Агваан уг талбайд тавилгаа оруулж, тохижуулаад Монголын Холхивч нум сумын спортын холбооны байр болгон ашиглаж байгаа. Тэгсэн мөртлөө цөөн хэдэн түрээслэгч нарыг уруу татан бидний эсрэг үйл ажиллагаа явуулаад байна.

а

 -Цаашдаа ямар арга хэмжээ авъя гэж бодож байна.

-Цаашдаа мэдээж бид үйл ажиллагаагаа хэвийн үргэлжлүүлнэ гэдэгт итгэлтэй байна. Учир нь “Орхон худалдааны төв”-ийн эзэмшигч нь мөн гэж тогтоогдсон, газрын асуудал эцэслэн шийдэгдсэн. Тиймээс эрх мэдлийнхээ хүрээнд холбогдох байгууллагууд нь үнэн зөв шийдвэр гаргана гэдэгт итгэж байна.

П.Наран