Өчигдөр шөнө 22.30 цагт Шуурхай мэдээллийн төвд “Худалдааны төвд гал гарч байна” гэх дуудлага иржээ. Дуудлагын дагуу гал унтраах гурван анги 22.40 цагт "Сандэй" худалдааны төвийн гал гарсан хэсэгт очиж, галыг амжилттай унтраажээ.  Энэ талаар өнөөдөр НОБГ-аас мэдээлэл хийлээ.

Мэдээллийн үеэр тус худалдааны төвд  гарсан гал нь долдугаар давхарт үйл ажиллагаа явуулдаг хоёр цайны газарт гарсан гэдгийг онцлов. Тодруулбал, гал гарсны улмаас сэндвичин хавтангаар барьсан дээвэрийн хоёр хэсэгт гал гарч шатсан байна. Галын улмаас барилгын хэсэг газрын дээвэр шатсан ба доод давхрууд руу гал, утаа ороогүй гэнэ. Мөн нэг ч түрээслэгчийн бараа, бүтээгдэхүүн гал, утаанд өртөөгүй гэдгийг НОБГ-аас мэдээлэв. Гал гарсан шалтгааныг Баянзүрх дүүргийн цагдаагийн хэлтсийн алба хаагчид шалгаж байгаа аж. Өнөөдөр тус  худалдааны төв хэвийн ажиллаж байна.

Б.Одон