Энэ оноос эхлэн жил бүрийн есдүгээр сарыг оюутны эрүүл мэндийг дэмжих сар болгон тэмдэглэхээр болсон.

Оюутнуудад эрүүл мэндийн тусламж үйлчилгээг үзүүлэх асуудлыг БШУЯ-ны харьяа их, дээд сургууль, коллежууд өөрс­дөө хариуцаж ажилладаг бөгөөд сургууль дээрээ оюутнуудын эрүүл мэндийг хариуцсан эмчтэй байдаг. Гэтэл сүүлийн жилүү­дэд эмэгтэй оюутнуудын дунд хүсээ­гүй жирэмслэлт ихэсч, үүнээс болж  амь насаа алдах тохиолдол ч гарч байна. Энэ мэтчилэн  эхийн эндэгдэл нэмэгдэж буйтай хол­боотойгоор ЭМЯ-наас дээрх шийдвэрийг гаргасан байна.

6

Аяны хүрээнд  оюутнуудын өмнө тулгардаг асуудал болох гэр бүр төлөвлөлт, хүсээгүй жирэмслэлт, аюултай үр хөндөлтийн талаар оюут­нуудад мэдлэг, мэдээлэл олгож, тухайн сургууль дээр нь очиж лекц уншина. Мөн оюутнуудтай ажилла­даг байгууллагуудтай уялдаа холбоотой ажиллах төлөвлөгөөтэй байгаа аж.

 6

Тиймээс МОХ, БШУЯ, ХАХНХЯ, Нийслэлийн эрүүл мэндийн газар, түүний харъяа байгууллагууд, Олон улсын байгууллагын төлөөлөл болох Нөхөн үржихүйн эрүүл мэндийн чиглэлээр ажилладаг НҮБ-ын Хүн амын сан зэрэг байгууллагуудтай хамтарсан ажлын хэсэг байгуулсан байна. Уг ажлын хэсгүүдээр дамжуулан нэлээд хэдэн төрлийн ажил хийхээр болсон бөгөөд эхний ээлжид МОХ-той хамтраад оюутнуудад эрүүл мэндийн тал дээр ямар асуудал тулгардаг талаар судалгаа хийхээр төлөвлөж байгаа аж.

6

Мөн аяны хүрээнд их, дээд сур­гууль, коллеж, мэргэжил сур­галт үйлдвэрлэлийн төвүү­дэд ажилладаг эмч нартай зөвлөх уулзалт хий­ж, тухайн эмчийн оюутны эрүүл мэндийг дэмжин хийж байгаа ажил, тулгамддаг асуудал болон цаашид хэрхэн хамтарч ажиллах тухайгаа ярилцах юм байна.

Оюутны эрүүл мэндийг дэмжих сарын аяны нээлт энэ сарын 06-нд Чингисийн талбайд болно.

6

Б.Буд