Дархан цаазат газар нутгаас нойтон мод бэлтгэхийг хориглосон хуулийн заалт бий. Энэ заалтыг ягштал биелүүлдэг ганц газар нь Богдхан уулын захиргаа гэж болно. Сүүлийн жилүүдэд  дархан цаазат ууланд ойн түймэр удаа дараа гарсны дээр ойн цэвэрлэгээ арчилгаа хийгээгүйгээс Богдхан уулын ойг цэвэрлэх шаардлагатай болжээ.

Тиймээс Байгаль орчин, ногоон хөгжлийн яам, Батлан хамгаалах яамтай хамтран өнөөдрөөс эхэлж, Богд уулын унанги мод, түймэрт шатаж түлэгдсэн газрыг цэргүүдээр цэвэрлүүлэх аж.

Цэвэрлэгээ Богд уулын Төрхурахын амнаас эхэлнэ.