Гадаад харилцааны яам, “Аварга Хадбаатар” сан хамтран Монгол Улс дахь Элчин сайдын яамд, Монголд ажиллаж, амьдарч буй гадаадын иргэдийн дунд “Нөхөрлөл-2011” спортын нөхөрсөг тэмцээнийг энэ сарын 27-нд зохион байгуулна. Элчин сайдын яамдын нөхөрсөг харилцааг өргөжүүлж, бататгах зорилготой уг тэмцээнд оролцогчид сагсан бөмбөг, шатар, ширээний теннис, дартс зэрэг төрлөөр өрсөлдөх аж. Тэмцээн олон улсын дүрмээр явах бөгөөд Монголын сагсан бөмбөгийн холбоо, Шатрын холбоо, Дартс сонирхогчдын холбоо, Ширээний теннисний холбооны мэргэжлийн  шүүгчид ажиллах юм байна.